Barikuan ere ate irekiak egingo dituzte ludoteka zerbitzuan, baina bi txandatan antolatuta

Alazne, Ehari eta Maia aurreko barikuan ludotekan.

Arrakastatsua izan zen aurreko asteko deialdia, eta 37 neska-mutikori egin zien harrera Nerea Villa hezitzaileak. Aste honetarako bi txanda antolatu dituzte ludotekan.

Zerbitzua ezagutzera ematea eta ahal dela erabiltzaile kopurua handitzea nahi dute udal ludotekatik. Hala, ate irekiak antolatu dituzte abenduko hiru barikutan eta aurreko astean egindako lehenengo saioan 37 neska-mutiko elkartu ziren. Elkarrekine egin zuten arratsalde pasa eta gustura ibili ziren ludotekako jostailuekin zein hezitzaileak proposatutako ekintzekin.

Bariku honetan berriz zabalduko ditu ateak ludotekak, baina haur kopurua neurtzeko bi txanda antolatu dituzte. Lehenengo, 17:00etatik 18:00etara Hiru urtetik bigarren mailara arteko umeendako saioa izango da. Eta, 18:00etatik 19:00etara, hirugarren mailatik seigarren mailara arteko umeendako saioa.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.