Elgetako Udalak bihar aurkeztu ditu parte hartze prozesutik ateratako ondorio nagusiak

Herritarrak parte hartze prozesuko batzarretako batean.

Danon artian, danon herrixa parte hartze prozesuaren azken batzar irekia egingo du, bihar, Udalak. Herritar guztiak daude gonbidatuta, 19:00etan hasita, udaletxeko osoko bilkuren aretoan egingo den batzarrera.

Danon artian, danon herrixa parte hartze prozesutik ateratako ondorio nagusien berri emango du Udalak bihar, eguena. Udal arduradunek herritarrek egindako proposamenak laburbilduko dituzte, eta Udaletik zein erantzun eman daitekeen azalduko dute.

Batzar berean Udalaren egoera ekonomikoaren berri emango dute udal gobernuko kideek, eta aparejadorearen auziarekin lotuta jasotako azken epaiak egoera ekonomiko horretan zein eragin izango duen azalduko dute.

Parte hartze prozesua dinamizatzeko ardura duen Nola enpresak landutako txostenak prest daude. Bertan, herritarrek hainbat arlotan egindako proposamenak jaso dituzte.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.