Hirugarren urtez jarraian neska-mutikoendako marrazki lehiaketa antolatu du Elgetako Udal Liburutegiak. Hiru multzotan sailkatuko dituzte parte-hartzaileak: 5-8 urte, 9-12 urte eta 13-16 urte. Gaia, aurten, liburuetako nire pertsonaia gogokoena da, eta lanak aurkezteko epea abenduaren 18an amaituko da.
Parte-hartzaile bakoitzeko marrazki bakarra onartuko dute, eta lan guztiekin erakusketa bat egingo du Udal Liburutegiak urtarrilean. Gainera, marrazki irabazleekin irakurpuntuak ateratuko ditu.
Sariei dagokienean bi kategoria gazteenetako irabazleek liburu sorta bana eskuratuko dute, eta gaztetxoen kategorian Ana Mari liburudendan 30 euroko erosketa egiteko txartela.