Elgetako parrokian dagoen Santiago apostoluaren erretaula ezagutzeko bisita gidatua zapatuan

Santiago apostoluaren erretaula, Elgetan.

Ezkutuko altxorrak programaren barruan, XVI. mendeko erretaula eta elizak dituen beste ezaugarri batzuk ezagutzeko aukera izango da, 12:00etan.

Debagoieneko Mankomunitateak antolatuta bisita gidatu berezia egingo dute zapatuan, abenduak 5, Elgetan. Parrokiak gordetzen dituen altxorrak ezagutzeko aukera izango da, tartean XVI. mendeko Santiago apostoluaren erretaula. Pieza berezia da eta Gipuzkoa mailan influentzia italiar handiena duen erretaula da.

Erretaularen gaineko xehetasunak ezagutzeaz gain, parrokia guztia bisitatzeko aukera izango dute parte hartzaileek, izan ere, gauza interesgarri asko ditu parrokiak : aldare nagusia, sakristiako obrak, koruan dagoen organoa... 

Izenematea zabalik

Parte hartzeko izena eman behar da aurrez. Argibideak eskatzeko zein izenematea egiteko: 943 79 64 63 / 943 71 89 11 / turismo@debagoiena.eus / info@ignaziotarlurraldea.com

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.