Hogei bat lagun errepide bazterrak auzolanean garbitzen

Auzolanean Egoetxeaga auzoan. (Argazkiak: Elgetako Udala)

Udazken honetan auzolanean jarduteko Udalak egindako bigarren deialdia da. Balorazio positiboa egiten dute udaletxetik.

Urriaren 12rako egin zuen lehenengo deialdia Udalak. Deialdi irekia izan zen eta proposamena zen Egoarbitzako herri lurrak auzolanean garbitzea. Hamalau herritar aritu ziren zeregin horretan.

Bigarren deialdia oso bestelakoa izan da: Karabietatik Iturbe-Etxeberri baserri ingururainoko bide bazterrak auzolanean garbitzea. "Bertan bizi direnak eta inguru horretan lurrak dituztenek jaso zuten deialdia", argitu du Iraitz Lazkano alkateak. "Berez, bide hori erabiltzen dutenek".

Zapaturako, hilak 24, egin zuten deialdia eta 20 bat lagun elkartu ziren auzolanean aritzeko. Udalak balorazio positiboa egiten du. "Kalkulatzen dugu hamar bat urtean egon direla bide horretako bazterrak garbitu gabe", gehitu du alkateak. Alkateak argitu du, dena den, 65 bat lagun zeudela garbiketa lan horietan parte hartzera deituak. 

Erlazionatuak

Auzolanean Egoetxeaga auzoan.

Elgeta

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.