Hipnosi ikuskizuna, bihar, Espaloian

Maite Txintxurreta 2015ko urr. 23a, 12:04

Jorge Astyaro hipnotizatzaile mexikarrak Alucina izeneko espektakulua eskainiko du bihar, zapatua, 22:30etik aurrera Espaloian. Ikuslegoaren partehartzea oinarri du Astyaroren espektakulu berezi horrek. Espaloian biltzen direnak izango dira, beraz, protagonista nagusiak.

Mundu mailako mentalistarik ospetsuenen artean dago Astyaro, eta hipnosian aditua da. Bere dohainei esker, parte hartzera animatzen diren boluntarioak trantze sakon batean murgiltzea lortzen du; modu horretan, hipnotizatutako pertsona horiek imajinatzen duten hori ikusi eta sentitu egin dezakete.

Laburbilduz, "jendearen ametsak egi bihurtzeko modu bat" omen da Elgetan ikusgai izango den hipnosi espektakulua.
Jorge Astyaroren biharko ikuskizun horretan misterioa eta tentsioa izango dira nagusi, baina umore ukitua ere ez da falta izango emanaldian.

Sarrerak salgai

Espaloia kafe antzokian bertan edota www.entradium.com webgunean eros daitezke bihar gaueko ikuskizunerako sarrerak, bakoitza zortzi euroren truke.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak