Urriaren 31n harrera Hondarribiko arraunlariei eta omenaldia Jon Sarasketa elgetarrari

Hondarribia Arraun elkarteko kideak, iaz, Elgetara iritsi berri.

Txarangak, dultzaineroak, opariak... izango dira nagusi ekitaldian.

Hondarribia Arraun Elkarteko kideak Elgetara gonbidatu dituzten eguna aukeratu du herritar talde batek Jon Sarasketa herrikideari omenaldia egiteko.

Hondarribiko taldea 11:30ean iritsiko da Elgetara, eta urtero moduan osoko bilkuren aretoan egingo zaie harrera. Jarraian, etorriko da Jon Sarasketari eskainitako omenaldia. Plazan egingo dute ekitaldia 11:45ean aldera. Eguraldi txarra bada, Espaloian izango da. 

 

 

Antolatzaileek aurreratu dute Sarasketarekin batera musika izango dela protagonista omenaldi ekitaldian. Oria eta Hondarribiko txarangak, Arrasateko dultzaineroak, Mausika txarangako zuzendari ohia eta Hondarribiko arraunlariek hartuko dute parte. Opariak jasoko ditu Sarasketak talde horien guztien eskutik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.