Etor Garate elgetarrak egingo ditu kirol teknikari lanak

Etor Garate txikienen eskola kirola saioa gidatzen, gaur.

Zumba eta pilates kenduta martxan dira Elgetako kirol jarduerak. 

Gaur, eguaztena, 1. eta 2. mailetako ikasleen eskola kirola saioarekin hasi du ikasturte Garatek. Jarraian etorriko dira gainerako guztiak: tonifikazio gimnasia, erretiratuendako gimnasia, GAP, spinnning...

Gogoratu Udalak zabalik duela jarduera horietan izena emateko epea. Ikasturte osorako bonua ere atera daiteke.

Zumba eta pilates

Iraitz Lazkano alkatea jakitera eman duenez bi jarduera horiek gidatzeko pertsonal faltan da Udala. Esan du pilates egiteko jende gutxik eman duela izena, eta seguruenik ez dela talderik irtengo. Zumba saioei dagokienean erabiltzaileekin irtenbide bat topatu guran dabil Udala. 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.