Legazpitik abiatu eta Gorostiagara eta Arrolara buelta eginda itzuliko dira mendizaleak Legazpira. "Oporretatik bueltarako irteera erraz bezain polita prestatu dugu", esan dute Kantsatzeke mendi taldetik. "Iaz eguraldi txarra zela-eta bisitatu ezin izan genuen inguruan: Gorostiaga - Arranoaitz - Arrola - Legazpi".
Domekan 08:00etan abiatuko dira herriko plazatik eta lauzpabost orduko mendi buelta izango delakoan daude. Eguenera arte, hilak 24, dago zabalik izen-ematea. Udaletxean, kantsatzeke@gmail.com helbide elektronikoaren bitartez zein Facebook orrian egin daiteke. Prezioa da bost euro.
