Udaletxean 09:30ak aldera jaso dute abisua: "Zuhaitz bat jausi da Elgetatik Karabietarako bidean eta zirkulazioa oztopatzen du". Udal brigadako langileak bertaratu dira zuhaitza trabatik kentzera.
Goizean zehar beste pare bat abisu jaso dituzte udaletxean errepide berdinarekin lotuta, kasu guztietan errepidera jausitako zuhaitzekin lotuta. Aldundiko beharginek konpondu dituzte sortutako arazoak.
Haizetearen eraginez hondakinendako zenbait edukiontzi lekuz mugitu direla ere jakinarazi dute udaletxetik.
