Liztor beltzaren bi habia inaktibatuta, Elgetan

Mankomunitateko teknikaria pozoia botatzen, Bastarrika inguruan.

Bastarrika baserriaren inguruetan aurkitutako liztor beltzaren habia bati eta Torrealdean geratuta zegoen eraikin batean aurkitutako beste habia bati pozoia bota die Debagoieneko Mankomunitateak, liztor beltza akabatu eta inguruan kalterik eragin ez dezan.

Iraitz Lazkanok, Elgetako alkateak jakinarazitakoaren arabera, habia txikiak dira neutralizatu dituztenak, oraindik guztiz garatu gabekoak, habia primarioak.

Hark gaineratu du iaz baino liztor beltzaren habia gehiago dabilela aurtengo abuztuan azaltzen. Orokorrean izan ere, halaxe da. Elgetaren kasuan, orain hilabete eta erdi halako beste bi kendu zituzten.

 

Eta Debagoienari dagokionez (Aramaio eta Arrasate kontatu barik) iaz 75 habia desaktibatu zituen Debagoieneko Mankomunitateak. Gehienak, Oñatin eta Bergaran, esparru handiagoa dutelako bi udalerri horiek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.