Erretiratuen eta Umeen eguna da gaur Elgetako Ferixa Nagusiko jaietan. Umeek jolas-parkean egin dute goiza eta erretiratuak jaietako meza nagusia entzuteko elkartu dira. Amaitutakoan urteroko argazkia atera dute eliza atarian, aurten alkate berria den Iraitz Lazkanorekin.
Bazkaria egingo dute jarraian Espaloia kafe antzokian. Ehun lagunetik gora elkartuko dira eta erromeria izango dute Jose Gardokiren eskutik.