Beroa handia dago eta plazan dauden gaztelu puzgarrietan ume gutxi ibili da eguerdi partean, baina Salbador kale hasieran dauden goming jokoak eta zezen mekanikuak harrera polita izan dute.
Arratsaldean, 15:30ean zabalduko dituzte berriz parkeko jolasak eta ondoren etorriko dira buruhandiak, zezenak eta Oihan Vegaren DJ saioa, zezensuzkoa eta Gozategi taldearen erromeria.
Bihar, Herri Eguna
Biharkoa ere egun handia izango da Elgetan. Baserritar jantzia soinean egun osoko egitaraua gertatu dute elgetarrek. Asto lasterketa, udalbatzaren soka-dantza, umeen euskal dantzak, herri bazkaria, buruhandiak, zezenak, Egan taldearen erromeria... daude iragarrita.
