Seigarren maila gaindituta herritik kanpo ikasiko dute hurrengo ikasturtean eta litekeena da taldea sakabanatzea. Ohiturari jarraituz ikasketa amaierako bidaia gertatu dute ikasturtean zehar. Gozoki eta tortilla salmentan, kantuan... ikusi ditugu eta orain merezitako saria jasoko dute. Gorlizen egingo dute aste bukaera eta abentura ekintza pila izango dituzte elkarrekin egiteko.
Gaur eguerdian irten dira Elgetatik eta domekara bitartean izango dira ikasketa bidaian.
