Elgetako Herri Eskolak barikuan egingo du ikasturte amaierako jaialdia

Ikasturte amaierako ikuskizuna, iaz, Espaloia kafe antzokian.

Ikasturte amaierako bazkaria, azkenean, azken eskola egunean egingo dute; astelehenean.

Ekainaren 22a, astelehena, izango da ikasturteko azken eskola eguna Elgetako neska-mutikoendako. Goizeko jarduna izango du azken eskola egunak, eta egun hori baliatuko dute Maala Guraso elkarteak ikasleendako eta irakasleendako ematen duen bazkaria egiteko.

Jaialdia barikuan

Jardun berezia izango da, baita ere, barikukoa. Ikasturte amaierako jaialdia egingo dute neska-mutikoek Espaloia kafe antzokian. Dantzan eta kantuan egingo dute. Badira aste batzuk ikuskizuna prestatzen ari direla, eta saio irekia izango da barikukoa. Hurrengo ikasturtean Elgetatik kanpo ikasiko duten 6. mailako ikasleendako agurreko saioa ere izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.