Elgetako EH Bilduk afaria antolatu du hauteskundeetako emaitzak herritarrekin batera ospatzeko

Elgetako EH Bilduko kideak pozik hauteskunde gauean emaitzak ezagutu ostean.

Barikuan, Udalaren eraketa ekitaldi bezperan egingo dute afaria Bolatoki tabernan. Interesatuek zabalik dute izen-ematea.

Zapatu eguerdian izendatuko dute Elgetako alkate EH Bilduko Iraitz Lazkano, eta bezperarako herri afaria deitu dute koaliziotik. Hauteskundeetako emaitzak herritarrekin ospatu gura dituzte Elgetako EH Bildutik, eta Bolatoki jatetxean egin dute hitzordua . Afaria 21:30ean izango da, eta menuaren prezioa 15 euro da. Zabalik da izen-ematea Haizea tabernan zein ehbilduelgeta@gmail.com helbide elektronikoan.

Triki-poteoarekin emango diote hasiera barikuko ospakizunari. 19:30ean abiatuko dira Herriko plazatik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.