Hamazazpi lagun elkartu ziren hilaren 16an gaztetxearen etorkizunari buruzko bilera irekian. "Hasiera batean, gaztetxearen egungo egoera eta batzarrean egindako irakurketa partekatu genuen etorri ziren lagunekin. Ondoren, denon artean, etorkizunerako ideia berriak proposatzen eta iritziak kontrastatzen joan ginen", adierazi dute Gazte Asanbladatik.
"Herriko gazte dezente batu ziren bertan eta orain arte batzarretan parte hartu ez duten hainbat gaztek prestutasuna adierazi zuten batzarrotan parte hartzeko", esan dute. "Gaztetxea gazteen beharrizanei erantzuten eta alternatiba sendoak eraikitzen dituen eremua izanda, aurrera jarraitzeko apustua egin dugu autogestioaren eta elkarlanaren bidetik".
Batzarrak barikuetan
Barikuetan, 17:00etan, egingo dituzte batzarrak. Parte hartzera animatu dituzte herriko gazteak. Facebook bidez jarrai daiteke gaztetxearen jarduna elgetakogaztetxia kontuaren bitartez.
