Aurten ere bost asteko iraupena izango dute Elgetako udaleku irekiek. Herri Eskolako neska-mutikoek ekainaren 22a dute ikasturteko azken eskola eguna, eta biharamunean zabaldu ditu Udalak udalekuak.
Zerbitzua ekainaren 23tik uztailaren 24ra bitartean egongo da zabalik, 09:00etatik 13:00etara. Izena eman dezakete Haur Hezkuntzako zein Lehen Hezkuntzako neska-mutikoek. Azken eguna ekainaren 11 da.
Kuotak
Eskatutako aste kopuruaren arabera kuota ezberdinak daude. Bost asteko zerbitzuaren prezioa da 110 euro umeko; lau astekoa 90 euro umeko; hiru astekoa 70 euro umeko, bi astekoa 60 euro umeko; eta astebete 40 euro umeko.
Prezio bereziak daude ezarrita familia bereko anai-arreba bat baino gehiagok izena emanez gero. Bestelako hobariak jasotzeko udaletxean galdetu behar da.
