Pensoi proiektuaren barruan Debagoiena mailako ikerketa egin zuten iaz. 6-12 urte bitarteko umeak neurtu eta pisatu zituzten. Familiek, gainera, elikadura zein jarduera fisikoaren inguruko galdetegi bat erantzun zuten.
Debagoieneko 3.162 umek hartu dute parte ikerketa horretan, tartean Elgetako neska-mutikoak.
Aztertu dute Debagoieneko umeen artean gehiegizko pisuak duen presentzia, eta bihar, eguaztena, ikerketaren emaitzak emango dituzte ezagutzera.
Gehiegizko pisuak ondorioak dakartza helduaroan. Hala, Elgetako datuak azalduko dituzte eta gehiegizko pisu kasuetan eragina duten faktore ezberdinak aztertuko dituzte.
Herriko eragile ezberdinak batzarrera deitu dituzte har daitezkeen prebentzio neurriak guztien artean eztabaidatzeko. Batzar irekia izango da, 18:00etan, herri eskolako musika gelan.
Debagoieneko datuak
. argaltasuna %9
. pisu egokia %58
. gehiegizko pisua %33
Elgetako datuak
. argaltasuna %8
. pisu egokia %65
. gehiegizko pisua %27