Rap-zaleek sekulako aukera dute gaur Elgetako Espaloian; izan ere, Espainiako musikari ezagun eta esanguratsu bat ikusi eta entzuteko aukera egongo da: El Langui, hain zuzen ere. Izen horren atzean Juan Manuel Montilla dago, musikari esanguratsua ez ezik, baita aktore ezaguna ere; besteak beste, Goya baten jabea.
El Langui ez da bakarrik egongo agertokian, lagun izango baititu, azken urteetan bezala, DJ Caution eta Rellenito Makeijan. Rap fusioa egiten du taldeak; izan ere, DJak, ahotsa eta erritmo-kaxa nahasten dituzte ikuskizunean.
Sarrerak salgai
Kontzertua gaur izango da, esan bezala, gaueko hamarretan, Elgetako Espaloian. Sarrerak salgai daude dagoeneko, besteak beste, Bergarako Irrintz tabernan eta Arrasateko Taupan, 15 eurotan. Lehiatilan bertan ere eskuratu ahalko dira, 18 eurotan.