Eibarko Esperanza y Unceta enpresako langileek 1913eko udazkenean Gernikan egindako greban oinarritzen da Guernica 1913 antzezlana.
Abadiñoko Banarte antzerki taldeak ekoiztua bi sari garrantzitsu jaso ditu antzezlanak urte eta erdiko ibilbidean: Espainiako antzerki garaikideko CETA-AITA saria, eta Zaragozako Unibertsitateko V. antzerki lehiaketako sari nagusia.
Antzezlanak XX. mende hasierako klase arteko borroka ekartzen du gogora: langileen eskubideak aldarrikatzeko lehenengo borrokak. Zapatuan, hilak 23, eskainiko dute Guernica 1913, 22:30ean, Espaloian. Sarrerak salgai daude Espaloia kafe antzokian. Sarrera da hamar euro, aurrez erosita zortzi euro.
Sarrerak opari
Goiena Klubeko bazkideen artean hiru sarrera bikoitz zozketatuko ditu, barikuan, Goienak. Interesatuek izena eman behar dute kluba@goiena.eus helbide elektronikora idatziz edo 943 25 05 05 telefono zenbakira deituz.