Hauteskunde programaren aurkezpena eta argazki herrikoia iragarri ditu Elgetako EH Bilduk, barikurako, 20:00etan, herriko plazan.
Iraitz Lazkano alkategai duen hautagaitzak aurreko astean banatu zuen hauteskunde programaren ildo nagusiak jasotzen dituen aldizkaria etxez etxe. Herritarrekin batera egin eta batzar irekian aho batez onartutako programa dela nabarmendu dute. "Bizirik eta zabalik jarraituko duen programa bat izanik, herritarren iritziak entzuten eta jasotzen jarraitzea da gure asmoa", azpimarratu dute.
