Elgetako Udalak aktak ele bitan ez bidaltzeagatik epaitegian duen auzian pertsonatu da Eusko Jaurlaritza. Epai-gaia interes orokorrekoa dela argudiatuz Elgetako Udaletik abiatu zen eskaera eta apiril hasieran iritsi da erantzuna. Hizkuntza Politikarako sailburuorde Patxi Baztarrikak Elgetako Udalari jakinarazi dio Eusko Jaurlaritza gai horrekin lotuta Donostiako epaitegian abian den errekurtsoaren prozeduran pertsonatu dela.
Espainiako Gobernuko ordezkari Carlos Urkixok abenduan aurkeztu zuen Elgetako Udalaren aurkako helegitea, aktak euskara hutsean bidaltzeagatik. Elgetako Udalarekin batera beste hainbat Udalen aurka aurkeztuta dauka helegitea Urkixok.
