Herenegun, eguaztena, Hendaian izan ziren Intxorta 1937 Kultura Elkarteko ordezkari Juan Ramon Garai eta Mauro Saravia txiletar argazkilaria. Helburua zen Iñaki Errekabide milizianoari aitortza egitea, Egiaren iturria eskultura emanda.
Itxarkundia batailoiko miliziano izan zen Errekabide legazpiarra Intxortan; baina, horrekin batera, besteak beste, Durangoko eta Gernikako bonbardaketen lekuko izandakoa eta Legutioko batailan eta Artxandan parte hartutakoa ere bada.