Kantsatzeke mendi taldeak domekarako, hilak 26, antolatu du hurrengo irteera. Proposamena da Elgetatik 08:00etan abiatzea. Autoetan egingo dute Delikara arteko errepidea, eta bertan ekingo diote oinezko ibilbideari. Hamazazpi kilometroko joan etorria izango da —bost ordu pasatxo— eta Nerbioiko ur jauzia ikusteko aukera emango du.
Interesatuek zabalik dute izena emateko aukera udaletxean, Facebook bitartez edo kantsatzeke@gmail.com helbide elektronikora idatziz. Prezioa da hamar euro.
