Erresistenteen Eguna dela-eta zenbait aldaketa herrian

Asentziotik manifestazioa Elgetara.

Oinezkoendako izango da erdigunea, domekan, eta 10:30ean itxiko dute Elgeta eta Kanpanzar arteko errepidea.

Oroimen historikoaren aldeko taldeek Elgetako Udalarekin elkarlanean antolatuta, Intxortako borrokaldien oroimenezko hainbat ekitaldi egingo dituzte zapatutik domekara bitartean, Elgetan. Antolatzaileek gertu dute egitaraua eta egun horietan herrian egongo diren zenbait aldaketaren berri ere eman dute.

Zirkulazio aldaketak

Domekan oinezkoendako izango da Elgetako erdigunea. Horrelakoetan egin ohi den moduan Berraondokotik bideratuko dute ibilgailuen zirkulazioa. Autobus parada ere lekuz aldatuta egongo da domekan: Berraondokora eramango dute.

Eserlekuak Asentzion

Domekan 11:30ean egingo dute borrokaldien errekreazioa. Ordubete lehenago, 10:30ean, itxi egingo dute Elgeta eta Kanpanzar arteko errepidea ibilgailuendako. 13:00ak aldera zabalduko dute berriz. Gomendatu dute denboraz ibiltzeko eta kanpotik etorriz gero industrialdean aparkatzeko. "Errekreazioa eserita ikusteko 300-400 eserleku ipiniko ditugu", esan dute antolatzaileek. Kiroldegian, bestalde, umeendako puzgarriak ipiniko dituzte eguerdian eta 15:30etik 18:00etara.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.