Zezensuzkoa eramateko ikastaroan izen-emateko aukera

Zezensuzkoa Elgetako plazan.

Herritarrek aukera dute apirilaren 20an Arkauten egingo den ikastaroan parte hartzeko.

Herrietako jaien barruan zezensuzkoak eramaten dituztenek lan hori egiteko prestakuntza dutela frogatzea ezinbestekoa da. 

Iaz, udal brigadako bi langilek egin zuten prestakuntza ikastaroa, eta aurten ikastaroa egiteko aukera izango dute interesa duten herritarrek.

Eusko Jaurlaritzaren eskumena da zezensuzkoak eramateko prestakuntza ematea. Interesatuek aukera dute apirilaren 20an Arkauteko Polizia eta Larrialdietako Akademian egingo den ikastaroan izen-emateko.

Lau orduko ikastaroa da, eta 16:00etatik 20:00etara izango da, euskaraz zein gazteleraz.

Interesatuek udaletxean eman behar dute izena. Azken eguna apirilaren 14a da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.