Elgetako EH Bilduk bihar, eguaztena, egingo du herri programa berresteko eta maiatzeko udal hauteskundeetako alkategaia aukeratzeko batzarra. Bertaratzen diren herritarrek aukera izango dute azken hilabeteetan landutako herri programaren inguruko bozketa egiteko berau berretsi edo atzera botatzeko. Parte hartzaileek, gainera, Elgetako EH Bilduko alkategaia aukeratu ahal izango dute. Batzarrean irteten diren izenek nahikoa babes lortu behar dute, bestela beste saio bat egin beharko da.
Batzarra udaletxeko bilkuren aretoan egingo dute, 20:00etan.