Monologoen Mostraren barruan, atzo, zapatua, Queque aktorea izan zen agertoki gainean. Baina, ez zen bakarrik egon, izan ere, Raul Martin gitarra-jotzailearen laguntza izan zuen. 80. eta 90. hamarkadetako abesti ezagunakin osatu zuten saioa eta bertaratutakoak kantuan eta barrezka jartzea lortu zuten.
Queque berak jarri zituen abesti batzuk, beste kantu batzuetan gitarraren laguntzarekin abestu zuen, eta zenbait ikerketa ere egin zien abesti batzuei. Modu horretara, bertaratu zirenek barre egiteko aukera paregabea izan zuten. Ikus-entzuleek David gnomoaren kantua Queque artistarekin batera ere abestu zuten, esaterako.
Azkenean, baina, Queque ez zen ausartu bere ikuskizunean euskal abestirik kantatzera. Dena dela, etortzen den hurrengo aldian euskarazko kanturen bat abestuko duela esan zuen. Ikus-entzuleek txalo zaparradarekin borobildu zuten emanaldia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak