Elgetako erretiratuen elkartean erabaki dituzte 2015eko tute eta briska txapeldunak

Tute txapelketako irabazle Patxi Bouzas eta Carlos Fernandez tutean beste bikote batekin.

Briskan Antonia Elkorobarrutia eta Juanita Beretxinaga dira txapeldunak, eta tutean Patxi Bouzas eta Carlos Fernandez.

Atzo, eguaztena, egin zuten urteroko karta txapelketa Xalbadorpe elkarteko erretiratuek. Hamabi bikote elkartu ziren jokorako Ozkarbi elkartean; zortzik briskan egin zuten, eta lauk tutean.

Briskan bikote nagusienak irabazi zuen: Antonia Elkorobarrutiak eta Juanita Beretxinagak. Tutean, berriz, Patxi Bouzasek eta Carlos Fernandezek —argazkian—.

Botila ardo eta gazta erdi bana eraman zituzten etxera. Gainera, Elgoibarren jokatuko den eskualde mailako txapelketan parte hartzeko aukera eskuratu dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.