Korrika 19

Martxan da Korrika 19 lasterketaren aldeko kilometroak eskuratzeko bidea, Elgetan

Haritz Gallastegi lekukoarekin Korrika 17 Elgetatik igaro zenean.

Eguaztenean bigarren aldiz elkartuko da Elgetako Korrika batzordea. Aste bukaeran, Korrikaren aldeko arropa salerosteko postua ipiniko dute.

Martxoaren 19an hasiko da 19. Korrika Urepelen, eta  bi urtean behin egiten den euskararen aldeko lasterketa martxoaren 23an, astelehena, iritsiko da Elgetara, 12:30ak aldera. 

Martxan da Elgetako Korrika batzordea eta eguaztenean, bigarren aldiz elkartuko dira, 19:00etan, udaletxean. Herriko elkarte eta norbanako guztiei dago zabalik batzorde hori.

Korrika laguntzaile

Korrika laguntzaile egiteko aukera zabalik da Elgetan. Batzordetik jakitera eman dutenez interesatuek Haizea tabernara, Espaloia kafe antzokira, udal liburutegira edo Julian Markiegiren kioskora jo behar dute. Prezioa hamabi euro da.

Arropa salmenta eta kilometroak eskuatzea

Korrika txikia, Korrika kulturala... gauza asko daude oraindik antolatzeko, baina batzordetik jakinarazi dute aste bukaeran Korrikaren aldeko arropa erosteko aukera emango dutela. Eguazteneko batzordean zehaztuko dute nork, non eta noiz.

Kilometroak diruz laguntzeko aukera, bestetik, martxan da. Interesatuek Elgetako Korrika batzordearekin jarri behar dute harremanetan edo korrika19debagoiena@gmail.com helbidera idatzi.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.