Aratusteak 2015

Isilean, mozorroak prestatzeko egunak

Guraso elkarteko arduradunak umeekin batera Aratuste-barikurako gozo-eltzeak edo piñatak prestatzen.

Barikuan, otsailak 13, ospatuko dituzte Aratusteak Elgetan; umeendako karaokea, eta gaztetxeko afaria daude iragarrita, besteak beste.

Aratustea prestatzen dihardute Elgetan ere. Guraso elkarteak gertu ditu umeentzako gozo-eltzeak edo piñatak. Ludotekan egin zituzten orain egun batzuk umeen laguntzarekin.

Egitaraua

Barikurako mozorroen kalejira (16:00), jolasak (16:15), txokolate-jana (17:00) eta dantzaldia (17:30) iragarri ditu Udalak. Kalejira eskolatik irtengo da eta eguraldiak eragozten ez badu herriko plazan amaituko da. Jarraian, umeendako jolasak eta txokolate-jana egingo dituzte. Espaloia kafe antzokian jarraituko du festak Djzirkin taldearen karaokearekin eta dantzaldiarekin.

Gaztetxetik afaria iragarri dute. Oilasko errea patatekin, entsalada, postria eta kafea dira menua. Ondoren, karaokea eta jolasak egingo dituzte. Afariaren prezioa da zortzi euro, eta interesatuek Haizea tabernan eman behar dute izena eguena, otsailak 12, baino lehen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.