Elurra bota du goizaldean, eta gehiago espero da arratsalderako

Aldundiko teknikoak goizean etorri dira atzotik matxuratuta dagoen semaforo sistema berriz martxan jartzera.

San Blas egun zuria dute, aurten, Elgetan. Goizaldean elur gehiago bota du eta elurra kentzeko makinak lanean goiz hasi badira ere, elurrak bere eragina izan du herritarren eguneroko martxan.

Erdiguneko semaforo sistemak matxuratuta jarraitzen du. Ez dabil atzotik, eta gaur goizean iritsi dira Aldundiko teknikoak ordezko semaforo sistema bat ipini eta herriak duena konpontzera.

Domingo Iturbe kalean auto bat ez atzera ez aurrera gelditu da errepide erdian, eta Kanpanzarreko errepidean arazoak egon dira.

Uneotan zabalik daude errepide guztiak.

Arratsaldean elur gehiago

Beste frente baten etorrera iragarri dute arratsalderako, eta prezipitazioak ekarriko ditu. Hala, elur gehiago botako duela iragarri dute.

Guraso elkarteak jakinarazi du bertan behera gelditzen direla gaurko eta biharko ingeleseko eskolaz kanpoko saioak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.