Aho batez onartu zuten herrigune historikoa birgaitzeko plan bereziaren aldaketa. Puntu horrekin lotuta EH-Bilduko bozeramaile Janire Lazkanok txostena zatika euskaraz zatika gazteleraz idatzita egotea kritikatu zuen.
Udalbatzak aho batez onartu zuen baita ere LAB sindikatuak erregistro zibilen pribatizazioaren aurka aurkeztutako mozioa.
Azkenik, eta gai zerrendatik kanpo, Hassana Aalia aktibista sahararraren egoera salatu zuen EH-Bilduko Janire Lazkanok. Marokoko gobernuak bizi osoko kartzela zigorra ezarri dio Aaliari, eta asilo politikoa ukatu dio Espainiako gobernuak. Aalari elkartasuna adierazi eta Saharako gatazkan ematen diren eskubide urraketak salatu zituen Lazkanok.
