San Sebastian egunerako, urtarrilak 20, urteroko ekitaldiak iragarri dituzte bai Nobleen kofradiatik bai Herri Eskolatik.
Eskolan hasita daude Sarriegiren kantuak entseatzen. Haur Hezkuntzako neska-mutikoak (3, 4, eta 5 urteko gelak) eta 6. mailako ikasleak osatutako dute, aurten ere, danborrada.
Kofradeak, berriz, 12:00etarako egin dute hitzordua martitzenean eliza atarian. Eskolako neska-mutikoen danborradaren piezak entzungo dituzte lehenengo, eta ondotik urteroko meza.
Amaitutakoan urteroko ekitaldia egingo dute sakristian, eta bazkaria Iñaki jatetxean. Aurten, 24 kofrade daude deituta ekitaldietan parte hartzera.
Arratsaldean ere danbor hotsa izango da Elgetan. Eskolako neska-mutikoek saio berezia egingo dute gurasoendako arratsaldeko saio amaieran. Seguruenik eskola atarian izango da.
