Ibilgailuen abiadura murrizteko eta oinezkoen segurtasuna hobetzeko lanak Elgeta erdigunean

Makina Elgeta erdigunean lanean.

Astelehenean eta martitzenean, hilak 15 eta 16, errepidea itxi egingo dute. Zirkulazioa Berraondokotik bideratuko dute bi egunotan. Autobus geltokia ere Berraondokoan kokatuko dute.

Gabika enpresako beharginak astebete dihardute ibilgailuen abiadura murrizteko eta oinezkoen segurtasuna hobetzeko Elgeta erdigunean lanak egiten.

Lanak direla-eta Ostatu aldameneko aparkalekua itxita dago, hainbat espaloi ezin dira erabili, eta etenak daude ibilgailuendako errepideko zenbait zatitan. Kontuz, beraz, zirkulazio aldaketekin eta adi egon seinaleztapen aldaketekin.

Udal ordezkariek herritarrak informatzeko astelehenean egindako bileran esandakoaren arabera lehen astean semaforo sistema egokituko dute, bigarrenean espaloiak apurtuko dituzte, eta hirugarrenean asfaltatze-lanak egingo dituzte. Esan gabe doa eguraldiak eragina izan dezakeela egutegi horretan.

 



ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.