Astebete atzeratuko dute hondakinak batzeko sistema berriaren ezarpena, Elgetan

Herritar bat udaletxean txartela, kuboak eta hiztegia jasotzen.

Abenduaren 9an jarriko dute martxan sistema berria; oraindik ere 113 txartel daude jasotzeko, udaletxean.

Abenduaren 1erako, astelehena, zegoen aurreikusita hiri-hondakinak batzeko sistema berria, Elgetan. "Debagoieneko Mankomunitateak jakinarazi digu abenduaren 9an ekingo diola sistema berriak", azaldu dute udaletxetik. Beraz, astebete atzeratuko da sistema aldaketa.

Txartel eta kubo banaketa

Ondo joan da etxez-etxeko txartel eta kubo banaketa, baina udaletxetik jakitera eman dutenez 113 txartel daude oraindik ere jasotzeko, udaletxean. Gogoratu etxebizitza bakoitzari dagokiola txartel bana. Jaso ez dutenei lehenbailehen txartelaren bila joateko eskatu dute udaletxetik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.