Elgetako erretiratuen elkarteak gertu du 2014ko Kultura Astea. Abenduaren 3tik 13ra bitartean antzerkia, musika emanaldia, bingoa eta urteroko luntxa izango dituzte.
Oñatiko Ikusi Makusi taldeak Novedades en la Villa Titiritaina antzeztuko du abenduaren 3an, eguaztena, Espaloia kafe antzokian, 17:30ean. Urteroko bisita egiten dute Oñatiko erretiratuek Elgetara eta aurten ere ez dute kale egingo.
Abenduaren 5ean, barikua, bingoa egingo dute Elgetako erretiratuek Ozkarbi elkartean, 17:30ean. Eta abenduaren 11n, eguena, 18:00etan, Alai abesbatzaren emanaldia izango dute bazkideek Espaloia kafe antzokiak. Hauek ere urteroko gonbidatuak dira Elgetako erretiratuen Kultura Astean.
Aurten ere, Gabonetako luntxa egingo dute erretiratuek. Urteari amaiera emateko elkartuko dira abenduaren 12an, barikua, 18:30ean, Ozkarbi elkartean.