Azaroaren 1ean jokatu zen Gasteizen kadete eta junior mailako karate txapelketa. Bertan izan zen Bergarako Shotokan elkartearekin Andoni Zubiaurre elgetarra, eta lehenengo sailkatu zen kadete kategorian.
Lehenengo sailkatu da, baita ere, Gipuzkoako txapelketan.
Emaitza horrekin azaroaren 22an eta 23an Ciudad Realen jokatuko den Espainiako txapelketan lehiatuko da Euskadiko selekzioarekin.
Lagun izango du hitzordu horretan Shotokan elkarteko eta junior mailako txapeldun, Josu Zalakain bergararra.