Gaztaina-erre jana egingo dute, arratsaldean, eskolako neska-mutikoek eta erretiratuek

Irene Bolinaga eta Mariasun Agirre, erretiratuen iazko gaztaina ere jana antolatzen.

Herri eskolak 15:00etan egingo du frontoi zaharrean, eta erretiratuek 18:00etan, Ozkarbi elkartean.

Lagunartean gaztaina erreak jateko ohitura aspalditik dator, eta oraindik ere oso sustraituta dagoen ohitura da, Debagoieneko hainbat tokitan.

Elgetan, esaterako, Herri Eskolan eta erretiratuen elkartean urtero egiten dute gaztaina-erre jana, eta aurten egun berdina aukeratu dute ospakizuna egiteko.

Eskolako ikasleak, irakasleak eta gurasoak, 15:00etan elkartuko dira Enrike Perezek erretako 20 kilo gaztaina jateko. Erretiratuek, berriz, epeletan eta mahaiaren bueltan egingo dute urteroko ospakizuna. 30 kilo gaztaina gertatuko ditu Pedro Mari Uberak, eta 18:00etan egingo dute askaria erretiratuek.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.