Domekarako, Udalak, mendi irteera antolatu du. Hiru bat orduko txangoa izango da, familian egiteko modukoa, eta herriko zenbait iturri eta errota ezagutzeko aukera emango duena.
Egoarbitza aldera egingo dute lehenengo, gero Aixolara jaisteko. Antolatzaileek aditzera eman dutenez ibilbidean Goikomendia, Pago Haundi, Eltze iturri, Ubago, Alperregi, Beko errota, Errota gain, Erropa azpi, Larrosa... ezagutzeko aukera egongo da. Baita Aixola auzoko erroten istorioa ere. Jasota dago 17tik gora egon zirela sasoi batean, eta zeregin desberdinetarako erabili izan zirela.
Bidean, gainera, azalpenak emango dituzte auzotarrek. Oilarkortako karobia eta Beko errota ikusteko aukera ere egongo da.
Taldea 10:00etan abiatuko da herriko plazatik. Antolatzaileek gomendatzen dute mendirako zapata egokiak janzteko. Ez da beharrezkoa aurretik izena ematea.