Elastiko laranja soinean Oñatiko Foruen plazan eman diote hasiera ibilbideari, eta bederatzi kilometroko buelta egin dute bi taldetan antolatuta. Talde bakoitzak arduradun bana izan du, eta egitekoa zen ibilbidean kokatutako hiru kontrol-guneetako zigiluak jaso, eta bueltan Foruen plazara itzultzea.
Orokorrean, gustura egin dute txangoa elgetarrek. Lasai hartu dute ibilbidea eta parajeaz gozatzeko aukera izan dute.
Amaieran, gainerako taldeak bezala, Foruen plazako kontrol-mahaian utzi dituzte bi kredentzialak.