Landa Garapena programara proiektuak aurkezteko epea laster zabalduko dute, eta Udalak landa eremuetan bizi diren herritarren lehentasunak, eskariak eta behar nagusiak zeintzuk diren jakin gura du. Hori dela-eta, proposamenak idatziz udaletxean aurkezteko eskaera egin du Udalak, eta urriaren 10era arteko epea zabaldu du. Baserritarren batzordean aztertuko dituzte aurkeztutako eskaera guztiak, eta baloratu ostean batzorde horretan erabakiko dute zein proiektu sartu Udala lantzen hasi berria den 2015eko udal aurrekontuan.
