Elgetako Udala hasita dago 2015eko aurrekontua lantzen, eta aurreko urteetan moduan herritarrei ekarpenak egiteko eskaera luzatu diete. "Egoera ekonomikoa guztiontzako larria dela ezagututa, inoiz baino garrantzitsuagoa da lehentasunak ondo zehaztea", adierazi dute ohar bidez.
Hala, herritarren proposamenak jasotzeko epea ireki dutela jakinarazi dute udal gobernu taldetik. Ekarpenak, eskaerak edo proposamenak aurkezteko epea zabalik da azaroaren 1era arte. Udaletxean dagoen postontzian utz daitezke ekarpenak edo danonartian@elgeta.net helbidera e-posta bidaliz.
Herritarrei zein herriko elkarteei luzatzen zaie deia.
Herritarrek eskatuta
Aurreko urteetan egon dira herritarrek egindako eskaerak. Esate baterako, San Roke osteko pasealekua txukuntzeko eskaera edo umeendako udaleku zerbitzua ekaineko azken astetik abiaraztekoa.
