Debagoieneko jardunaldi gastronomikoen barruan kokatu behar dugu biharko —hilak 22— sukaldaritza ikastaroa. Jatetxean bertan egingo du sukaldaritza ikastaroa Kalboetxeagak, eta bi errezeta emango ditu: barazkiekin betetako tartatxoa eta alberjinia-espinaka pistoa.
Aurrez eman behar da izena 943 79 64 63 telefono zenbakira deituta edo turismo@debagoiena.net atarira idatzita. Azken orduko bajarik ez badago, ikastaroa beteta dagoela adierazi dute Mankomunitatetik.
Menu berezia
Gogoratu Jardunaldi gastronomikoen eskaintzaren barruan kokatzen dela beste behin Elgetako Maialde landetxea. Hala, uztailaren 31ra bitartean garaiko sukaldaritzan oinarritutako menu berezia eskaintzen du. Modakdutxoa: odoloste eta irasagar kroketak. Lehen platera: garaiko barazki tinbala edo porruz betetako krepe kurruskaria bakailao brandadarekin. Bigarren platera: lupia edo txerri iberiar azpizuna. Postrea: fruitu gorrien sorbeta edo txokolatez estalitako intxaur tarta.
Prezioa da 32 euro, eta aurrez erreserbatu behar da. Haurrendakon menua ere eskaintzen dute.