35 gradu markatzen zituen botikako termometroak. Eguraldi sargoria zegoen, baina apenas sufritu zuten neska-mutikoek. 16:00etarako ur-putzuetan ziren asko, eta 17:30erako iragarrita zegoen bits festa zuten buruan.
Haizearen norabideak apur bat atzeratu zuen bits festaren hasiera, baina kokapen egokia aurkitu ondoren Atracciones Sanz etxeko langileek laster bete kantxa bitsez. Kantxa bakarrik ez. Atzo haizetxoa zebilen Elgetan eta Bolatokiko parkera ere igo zen bitsa.