Elgetako Kantsatzeke mendi taldeak antolatu du irteera uztailerako ere. Hilaren 19an, zapatua, egingo dute Elgetako herriko plazatik 08:00etan abiatuta. Asmoa da Zarautzeraino autoan joatea. Hortik abiatuko dute mendi ibilbidea oinez. Bost bat orduko txangoa izango dela aurreikusten dute antolatzaileek.
Pagoetara —678 m— joango dira lehenengo, eta Orion amaituko dute mendi irteera.
Izena emateko epea zabalik dute eguenera arte, hilak 17. Udaletxean, kantsatzeke@gmail.com helbide elektronikoan edo Kantsatzekek Facebook-en duen orrialdean eman daiteke izena. Eskatzen dituzte izen-abizenak eta telefono zenbakia. Parte hartzeko adinez nagusi izatea ere bada eskaeretako bat. Antolatzaileek jakin gura dute, baita ere, parte-hartzaileak prest dauden autoa eramateko. Izenematea 10 euro da, gehienbat garraio gastuak ordaintzeko. Badirudi aste bukaeran eguraldia lagun izango dugula.