Ferixa Nagusixa Elgetan

Herriko ekoizle ugari, aurten ere, Ferixa Nagusian

Elgetako feria nagusia, iaz.

09:00etan zabalduko dituzte postuak; barazki saltzaileak, artisauak eta ganadu feria egongo dira.

Plazan 40 bat saltzailek ipiniko dute postua, eta artisauak 23 izango dira, tartean Elgetako Lorena Ibeas, Sonia Miranda, Jose Felix Larrañaga, Lorea Arantzeta eta Pili Arin.

Makinaria eta kinkila postuak ez dira faltako, eta Berraondokoan 19 idi pare, ehun bat behi, 22 zaldi eta 19 ardi egongo dira ikusgai. Elgetatik Enrike Astola, Agustin Beretxinaga, Roberto Basauri, Garbiñe Ormaetxea, David Barquero, Mikel Arkarazo eta Josune Sarasketa izango dira ganadu ferian.

Arratsaldean, dantza

Kukai dantza taldearen Gela Jauziak ikuskizuna aukeratu du, aurten, jai batzordeak domeka arratsalderako. 19:00etan hasiko da. Ordubete lehenago buruhandiak izango dira plazan eta dantza saioaren ondorik txitxi-burduntziak eta kontzertu akustikoa egingo dituzte gaztetxetik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.