Buruhandiei ongietorria egingo diete aurten, jaietan

Buruhandia Elgetako jaietan.

Buruhandiak egunero irtengo dira kalera herriko jaietan.

Buruhandien  inguruan antolatutako ekimenen artean, berrikuntza nagusi bat izango da aurtengo Ferixa Nagusian. Izan ere, buruhandiei ongietorria egingo diete gazteenek uztailaren 3an, eguena, eguerdiko hamabietan. Udaleku zerbitzu irekien barruko ekimena izango da, eta, festak direla aprobetxatuta, udalekuei hasiera ohi baino lehenago emango zaie.

Jaiek iraungo duten bitartean ez da udalekuen barnean jarduerarik izango, baina eguen eguerdiko ekimenak udalekuei hasiera emateko balioko du. Haurrek eurek prestatutako ekimena izango da, eta buruhandiek betidanik ikusmin handia sortu dutenez herriko txikien artean, euren saltsan ibiliko dira umeak. 

Buruhandiak, egunero

Buruhandien ongietorria ez da izango haien inguruan jaietan egingo den ekimen bakarra. Izan ere, Ustekabe Txarangarekin egingo dute bat Ume eta Erretiratuen Egunean, 18:00etan. Herri Egunean ere ez dira falta izango, 20:00etan irtengo baitira Elgetako kaleetan. Domekan ere irtengo dira, 18:00 aldera, Ferixa Nagusiari datorren urtera arte agur esateko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.