Ondo joan dira Beheko kaleko lehenengo jaiak. Barikuan, ekainak 20, ospatu zituzten buruhandiekin, DJ festarekin, afariarekin eta erromeriarekin.
Arrakastatsuak izan direla adierazi dute jai batzordetik, eta festa posible egin duten auzotarrei eskerrak eman dizkiete. Aurreratu dute, baita ere, datorren urtean berriz antolatuko dituztela jaiak. Aukeratutako data da ekainak 19.
Porraren irabazlea, Roberto Basauri
Roberto Basausi gerturatu da gehien jaiak laguntzeko asmoarekin egindako porraren erantzun zuzenera. Galdera zen zenbat lagun dauden erroldatuta Torrealdean, Gudarien Bidean eta Salbador zeharbidean. Erantzun zuzena da 179 lagun, eta Basauriren erantzuna izan da 180.
Saria da bi txuleta —Goikoetxe harategiaren eskutik— eta bi botila ardo.
